ASTEKARIA.

2013ko urriaren 14a

Gaurko saioa, ikasgai honen lehenengo saio praktikoa izan da. Bertan, Informazioaren eta Komunikazioaren Teknologiak Hezkuntzan , ikasgida  praktikoa ikusi dugu. Gida horretan, beste gauza batzuen artean, lauhileko honetan landuko ditugun gauzak agertzen dira. Esaterako, g-mail kontu bat zabaltzea aplikazioak erabiltzeko, blog baten sorkuntza eta mantendua eta taldean gauzatuko den proiektu bat. Hemendik Gabonak arte egingo dugunaren inguruan hitz egiteaz gain, talde txikietan ordenagailuen inguruko ideiei buruzko galdetegi bat betetzen hasi gara. Horretaz gain, ikasle fitxa bete eta moodlera igo dugu.

2013ko urriaren 15a

Gaurko saioan, power point bat ikusi dugu. Power point horretan, hurrengo gauzak agertu dira:

Ordenagailua eta euren osagarriak. Bi osagarri.

Hardware. Ordenagailuaren parte fisikoa. Ikusten diren elementuak.

->Oinarrizko osagarriak (IN): CPU(kutxa), monitorea,  pantaila, teklatua sagua.

->Periferikoak (OUT): inprimagailua, eskanerra, bozgorailua, webccam, aurikularrak …

Software. Programak, osagarri logikoa.

Ordenagailuan dauden programak

Open office, microsoft office, soinurako, irudirako, bideorako nabigatzaileak…

Fitxategi motak.

Luzapenaren arabera. Testu formatuak: .doc (microsoft), odt (open officce)

Soinu formatuak: wave, midi, wm, mp3. Gure artean gehien erabiltzen duguna mp3

Irudi formatuak: gif, jpeg, png, mb(mapa bits). Gehien erabiltzen dena jpeg.

Bideo formatuak: Avi,mpeg,divx,mov,wmv. Gehien erabiltzen dena avi

Beste batzuk: Pdf. Ezin da editatu formatu honetan gordetzen baduzu dokumentua.

Memoria.

RAM. Random acces memory. Hemen, lan egiten dugu. Zenbat eta memoria gehiago, gauzak arinago egingo ditut.

ROM. Read only memory. Hemen gordetzen dugu materiala. Lanak, argazkiak, deskargak.. Disko gogorreko memoria esaten duguna. Pendrive baten memoriaren antzekoa.

NEURRIAK. Bit; unidadea (0,1).Byte (8,2). Kilobyte (1000 byte). Megabyte (1024  kilobyte). Gigabyte (1000 megabyte). Terabyte (1000 gigabyte).

FORMATOAK. Fisikoak. Disko gogorra, sareko zerbitzuak. Eramangarriak: CD rom, DVD, pendrive.

Argibide batzuk

Libre, kode itxia, dohainik, pribatibo (ordaintzeko), OSS (open source software).

Kode irekia erabiltzea posiblea da. Open office irekia da. Libre, free, dohainik gauza bera dira eta ez duzula ordaindu behar esan nahi dute. Beste gauza bat da open, kode irekia. Honek , zuk programa bat daukazula eta horretan prestakuntza badaukazu alda dezakezula esan nahi du. Microsoft office adibidez, itxia dauka. Gerta daiteke, programa edo aplikazio bat itxia eta dohainik izatea. Demagun, unibertsitateak programa bat daukala ikasleek erabili ahal izateko. Unibertsitateak programa hori erabili arren ordaindu du eta orain ikasleek erabiltzen dute.

Gauzatxo hauek ikusteaz gain, aurreko eguneko galdetegia amaitzeko ere aprobetxatu genuen. Etxeko lan bezala, g-mail kontua zabaltzea (zabalduta ez zeukatenak) eta aplikazioak erabiltzen joatea egokitu zitzaigun,  aplikazioak eskaintzen dituen hainbat posibilitate ezagutzeko eta erabiltzeko.

2013ko urriaren 21a

Gaurko saioan, g-mailak eskaintzen dituen hainbat aukera praktikan jarri eta zalantzak argitzeaz gain, blog bat sortu dut. Irakasleak g-mailari buruz hainbat argibide eta azalpen eman ditu.Beste gauza batzuen artean, iragazkiak, etiketak filtroak... azaldu ditu. 

Iragazkiek, helbide konkretu batetik bidaltzen dizkiguten emailak paperontzira botatzeko balio dute.

Etiketek, mezuak klasifikatzeko, bilaketak errazteko eta informazioa sailkatzeko balio dute.

Filtroek jasotzen ditugun mezuak administratzea ahalbidetzen digute. Filtroekin, etiketatu, artxibatu eta gure korreoa era automatikoan berbidali dezakegu.

2013ko azaroaren 4a

Gaurko saio praktikoan, nire blogean lan egiten egon naiz. 

Alde batetik, nituen zalantzak argitzen saiatu naiz eta irakasleak emandako argibideak entzun eta kontuan eduki ditut. Beste alde batetik, gadget desberdinak aukeratu eta blogean ipini ditut. Bestalde, blogaren txantiloia personalizatu dut, blogak eskaintzen dizkidan aukera desberdinak kuxkuxeatu ondoren. Horretaz gain, blog desberdinak ikusten egon naiz, ideia desberdinak jasotzeko asmoz. Azkenik, word batean, Hezkuntza premia berezien inguruan, blogean jartzea gustatuko litzaidakeen informazioaren zerrenda eta antolaketa egiten hasi naiz.

2013ko azaroaren 5a

Gaur, klasera joan ahal izan ez dudan arren, etxetik, nire blogean lanean jarraitu dut. Atzo, blogean sartzea gustatuko litzaidakeena antolatzen hasi nintzen eta gaur antolaketa hori egiten jarraitu dut. Nahiz eta antolaketa hori guztiz zehaztuta ez eduki, lehenengo sarrerak egiten hasteko moduan nago. Horregatik, gaur, Hezkuntza Premia Berezien inguruko lehenengo bi sarrerak argitaratu ditut.

2013ko azaroaren 11a

Gaurko saioan  taldeka gauzatu beharko dugun proiektua aurkeztu zaigu eta lehenengo urratsak ematen hasi gara. Taldea eratuta zegoenez, talde fitxa erraz osatu dugu eta ondoren lehenengo akta bete dugu. Akta horretan, talde lanean aritzearen inguruan hausnarketatxo bat egin dugu lan kooperatiboaren osagarriak aztertuz eta zereginak eta rolak esleitu ditugu. Bestalde, karpeta digitala, hau da, website(a) zabaldu dugu.

2013ko azaroaren 12a

Gaurko saioaren hasieran, "Los jetas y los pasotas" testua komentatu eta lan kooperatiboaren osagarriei buruz ere hitz egin dugu. Taldeka, zer egoera-arazo daukagun aztertzen egon gara eta gaiaren inguruan zer dakigun eta zer ez dakigun zehaztu dugu. Bestalde, hasierako informea bete dugu, mapa kontzpetual bat eginez eta galdera eragileari erantzuten dioten hipotesi batzuk planteatuz. Azkenik, gure lanak edukiko duen prozesua antolatu nahian kronograma bat eratu dugu.

2013ko azaroaren 18a 

Gaurko saioan, proiektuarekin jarraitu dugu buru-belarri. Gaitasun digitalari buruzko artikulu batzuk eta aditu desberdinen ikuspegiak ikusi ondoren, prize izeneko aplikazioa erabiliz, gaitasun digitalari buruzko mapa egin dugu. Mapa horretan, gaitasun digitala zer den, dituen ezaugarriak, gaitasun hau ikasgeletan, eskolarako ondorioak, dimentsioak, M.Area, P.Etxebarria eta Jordi Adellen ikuspegiak eta beste gauza batzuk ere islatu ditugu. Bestalde, gure hipotesia hobetu eta gaitasun digitalaren inguruan lan egiteko erabili ditugun linken zerrenda word batean idatzi ditugu.

2013ko azaroaren 19a

Gaurko saioan, gaitasun digitalaren hausnarketa egiten hasi gara. Bestalde, talde bakoitzeko partaideren batek mapa mentalean sartutako gauzei buruz hitz egin du, guztiok besteen informazioaz aberasteko. Horretaz gain, irakasleak gure informazioa hobetzeko ideiak esan dizkigu eta klasekoen artean IKTen inguruko ideiak elkarganatu ditugu. Batzuk IKTak Haur Hezkuntzan txertatxearen alde azaldu dira beste batzuei ordea, HHn oraindik ez direla txertatu behar iruditzen zaie. Askok, teknologia berriak Lehen Hezkuntzatik aurrera erabilpen aberasgarriagoa eta baliagarriagoa daukatela iruditzen zaiela adierazi dute.

2013ko azaroaren 25a

Gaurko saio praktikoan Delicious izeneko herraminta berri bat ezagutu dut. Delicious kontu bat ireki ondoren, aplikazioa nola erabili kuxkuxeatzen egon naiz eta irakaslearen argibideak kontuan izan ditut. Herraminta asko gustatu zaidanez nire blog pertsonalean jartzea erabaki dut. Bestalde, gaitasun digitala lantzeko sarean dagoen materiala astertzen hasi gara. Taldekide bakoitzak gidan agertzen diren linketatik bat aukeratu eta astertzen hasi da. Gaurko saioa arinago bukatu da hitzaldi bat ikusi ahal izateko eta ez dugu denborarik izan lantxo hau bukatzeko. Horregatik, biharko saiora bakoitzak berea landuta ekartzea erabaki dugu. Bakoitzak gure linkean agertzen den materiala aztertzeko, gida praktikoan agertzen den fitxa bat erabili dugu.

2013ko azaroaren 26a

Gaurko saioan, nire taldeko kideek landutako linken informazioa amankomunean jarri dugu eta interesgarriena zein argiena iruditu zaiguna, aurkezpena egiteko hartzea erabaki dugu. Ideia nagusiak kontuan hartuz, aztertu dudan blogaren inguruan azalpen batzuk eman ditut klasean. Talde guztietako kide batek edo bi kidek aztertu dutenaren informazioa elkarganatu dute klasearekin. Azkenik, taldekide bakoitzak aztertutako linka wikira igo du. Bestalde, egoera definitzen hasi gara.

 2013ko abenduaren 9a 

Gaurko saioan gure proiektuarekin aurrera jarraitu dugu eta materiala diseinatzen hasi gara. Bloga zertarako eta noiz erabiliko dugun erabaki eta bere helburuak zein izango diren zehaztu dugu. Esaterako, blogaren helburu nagusia ordenagailuei eman ahal zaien erabilera zehaztea eta guraso-ume zein irakasleen arteko komunikazioa hobetzea da. Behin egin nahi dugunaren inguruan ideia batzuk eduki eta blogak izango dituen atalak zehaztu ditugula bloga egiten hasi gara. Horretaz gain, irakasleak erabil ditzazkegun herraminta batzuk aurkeztu dizkigu. Esaterako, glogster, voki eta bomomo. Glogster herraminta poster digitala egiteko balio du. Vokik, ezaugarriak aldatzeko eta ahotsa erabiltzeko balio du. Bomomok irudi politak eta sagua erabiltzeko balio du.

2013ko abenduaren 10

Gaurko egunean proiektuarekin jarraitu dugu atzo erabakitako gauzak blogean islatuz. Esaterako, sarrera, justifikazioa, ikasleen ezaugarriak, aplikatzeko arloa, aukeratutako helburu didaktikoak, lantzeko eduki didaktikoak,informazio iturriak... zehaztu ditugu. Aurretik aipatutako gauzak eratu dugun blogean islatuta daude. Blog horrek Mixisaguak du izena. Datorren egunean, egindakoa birpasatu osatu eta proeiektuarekin bukatuko dugu.

2013ko abenduaren 16a

Gaurko saioan beste gauza batzuen artean, gure proiektua bukatzeko erabili dugu. Izan ere, bihar proiektu horren aurkezpena daukagu. Eratu dugun blogean atal desberdinak daude. Ikasle,irakasle eta gurasoen atala hain zuzen ere. Lehenengo atalean, umeek klasean talde txikietan egin ditzazketen ariketa desberdinak daude zailtasun mailaren arabera sailkatuta. Bigarren atalean, umeek ordenagailuarekin izaten dituzten arazoak komentatuko ditu eta horiei aurre egiteko hainbat gauza. Hirugarren eta azken atalean irakasleak umeen prozesuaz informatuta mantenduko ditu gurasoak eta klasean egindako gauzak euren eskura utziko ditu sakondu nahi izatekotan sakondu ahal izateko. Horretaz gain, link esteka zerrendari buruz eta ISSUU herramintari buruz hitz egin digu irakasleak. Link-esteka zerrenda, gustoko ditugun blogetara joateko, linkak sartzeko atala da. ISSUU web2.0ren baliabide bat gauzak publikatzeko balio duena.

2013ko abenduaren 17a

Gaurko saioan talde bakoitzak bere proiektua aurkeztu du eta ikasgaiaren saio praktikoei bukaera emateko autoebaluazio bat egin dugu taldeka.